O DOCUMENTO, IMPORTANCIA E CARACTERÍSTICAS

O avance das novas tecnoloxías da información provocou un cambio na denominación do termo documento, xa que, actualmente, a relación entre documento e soporte non é tan equivalente como o foi anos atrás.

Para especificar termos, primeiramente débese falar sobre os documentos.

Un documento é un soporte material que contén información e que necesita dun soporte para que calquera mensaxe sexa transmitido, e dito soporte baséase na súa perdurabilidade e na capacidade de manterse ao longo do tempo.

Á súa vez, existen distintas definición de "documento" proporcionadas por distintos intelectuais, tales como:

1. "Unha información que serve para o estudo, a investigación ou que sexa unha proba. O soporte físico non importa, o que importa é o contido, que se poida reutilizar para o coñecemento". (Arnat, 1944,33)

2."Un documento ten como finalidade inmediata informar, en relación a unha finalidade última do ser humano". (Martínez Comeche, 2000, 15)

A información dos documentos soe rexistrarse en papeis, microformas...

A función da información documental é reducir a incerteza e facilitar a toma de decisións ( explosión, polución, contaminación, infoxicación).

Unha das "explosións" máis importantes é a explosión informativa, que ten unha serie de factorespositivos e unha serie de consecuencias.

Os factores a favor máis importantes son: o continuo incremento da ciencia, que a información está dispoñible a escala mundial e o aumento da oferta e a demanda de información.

As consecuencias máis reseñables son: existe unha gran cantidade de información que é inaccesible, que haxa moita información non significa que haxa maior coñecemento e o incremento das publicacións non implica unha maior creatividade dos contidos.

En torno aos documentos, existen unha serie de finalidades: a finalidade informativa e a finalidade propia do usuario.

Os documentos poden ser diversos e se diferencian en:

1. Documento segundo soporte físico: os soportes máis tradicionais son a pedra, a arxila, o papiro,o papel, as microfichas, as películas, os DVD, os CDs...

Nos anos 70 se distribuían os datos informáticos a través das redes de telecomunicación.

Nos anos 80 se deseñan os CD-AUDIO e os CD-ROM, momento en que o papel comeza a perder a súa posición monopolística, e esta revolución da paso a era da "dixitalización".

2. Documento segundo a mensaxe: poder ser texto, son ou imaxe e poden existir formas combinadas tales como: a información audiovisual e a multimedia.

Adicionalmente, existen documentos administrativos (xerados por unha persoa ou organización durante o exercicio da súa actividade) e documentos de tipo bibliográfico (prodúcense múltiples copias e o eceptor é anónimo).

3, Documento segundo o grao de elaboración da información:

Documentos orixinais: suministran a información de primeira man.

Documentos secundarios: produto do Centro de Documentación e teñen referencias que remiten á información orixinal.

 . 

4.Documento segundo o grao de difusión: públicos, reservados e inéditos.

Por último, están presentes os documentos dixitais. Este tipo de documentos rompen a unidade contido7 soporte.

Concretamente os documentos dixitais son entidades informatiivas que existen nun determinado momento e que satisfacen unha necesidade específica. Os contidos electrónicos máis importantes son: as páxinas web, as revistas electrónicas, os mapas dixitalizados, as bases de datos, os portais...

En torno ao valor dos documentos, é imprescindible a autenticidade, a fiabilidade e a accesibilidade.

Os documentos e os procesos de documentación evolucionaron e sufriron múltiples cambios ao longo dos anos, debido a aparición das novas tecnoloxías e tamén do mundo e a sociedade actual. Toda esta situación sseguirá en constante incremento e con moitos avances ao longo do tempo, e quen sabe como será o mundo da documentación informativa dentro dun anos. Todo está por descubrir.

ESTRUTURA DUN TRABALLO DE INVESTIGACIÓN

En todo traballo de investigación informativa deben seguirse unha serie de pautas.

Como primeiro paso, deben establecerse unha serie de obxectivos. Como elemento principal está presente o obxectivo xeral, que é o resultado que se quere lograr co estudio. Adherido a el, están presnetes os obxectivos específicos, que delimitan as dimensións do traballo investigador, usando formas verbais tales como expresar, definir, xulgar, opinar...

A partir dos obxectivos elabóranse as preguntas, que deben ser moi concretas.

Toda investigación precisa, á súa vez, unha xustificación que explique a razón da súa realización. Os criterios para evaluala son: 

-conveniencia

-relación social

-implicaciones prácticas

-valor teórico

-utilidad meteorolóxica

Para continuar con traballo, hai que formular un problema, que debe ser necesitado de solución, é dicir, debe posuír unha serie de elementos e de obxectivos.

En canto ao marco teórico da investigación, necesítase que a información elaborada e redactada cumpra os seguintes requisitos: saber qué tipo de investigación se fixo, que se descubriu, que suxerencias para futuros traballos se fixeron nos estudios, que falta por investigar, que métodos se aplicaron en estudios previos...entre outros.

Se debe tamén consultar a bibliografía, para recopilar información relevante, así tamén como bases de datos, revistas científicas...

Dentro da elaboración do traballo, é conveniente levar a cabo unha formulación de hipóteses, é dicir, proposicións tentativas acerca das relacións entre dous ou máis variables que se apoian en coñecementos organizados e sistemáticos.

O marco metodolóxico é algo fundamental tamén, xa que comprende fontes e técnicas para captar a información requerida, tratamento e presentación da información. Nel se inclúen a adaptación da técnica co metodo e realízase un análise xeral da información.

A parte disto, existen unha serie de teorías e métodos que se utilizan en materia de investigación, que son:

Teorías: metodoloxía positivista, interpretativa e crítica.

Métodos: cuantitativo, cualitativo, histórico, comparativo e racional.

Para rematar o traballo, se deben facer unhas conclusións, unha bibliografía, un apéndice e uns anexos.

Un traballo a nivel académico non precida de tanto detalle nin elaboración, e poderíase resumir en: Introducción, obxectivos, hipóteses, metodoloxía, desenvolvemento do estudio, conclusións, bibliografía e fontes documentais.

Se cada individuo que quera realizar un traballo de investigación destas características segue estas pautas, non se lle presentará ningún problema, o importante é seguir todos os pasos e conseguir fontes fiables que aporten información contrastada e veraz. 

25-S

O 25 de setembro de 2012 houbo unha numerosa reunión de cidadáns ao redor do Congreso dos diputados en Madrid, debido á mala situación económica e política na que se encontra España.

A mobilización bautizada co nome de "25s, ocupa o Congreso", e dito chamamento propragouse con moita rapidez entre a cidadanía a través das diversas plataformas sociais.

O papel da policía e dos antidisturbios consistía en procurar que o movementocidadán transcurrise de maneira pacífica e sen altercados, peor non foi posible, xa que se produciron numerosos enfrontamentos entre as forzas do orde e os manifestantes, os cales saldáronse cun balance de 35 persoas detidas e 64 feridas.

Dentro da revolta, o papel dos manifestantes tamén foi importante, por exemplo, foi chamativo o feito de que houbera persoas de todas as idades: xóvenes, adultos, maiores...

Houbo dúas marchas, a primeira comezou as 17.30 horas desde o Paseo do Prado e a Plaza de España, que recorreu uns metros ata a plaza de Neptuno. A segunda marcha tiña como destino a Porta do Sol, e unha vez que chegaron alí intentaron pasar pola Carrera de San Jerónimo, o que foi impedido polos numerosos furgóns policiais que escoltaban a marcha, polo tanto, os manifestantes pasaron pola rúa Alcalá e Cibeles, ata chegar a Neptuno.

Os participantes no rodeo ao Congreso portaban bandeiras de diferentes Comunidades Autónomas, bandeiras republicanas e pancartas con lemas, como por exemplo: "este goberno non nos representa".

A marcha permanecía sen altercados ata que aproximadamente as 19.00 horas, un pequeno grupo intentou romper o perímetro de vallas que rodeaba o Congreso. Nese momento houbo unha primeira carga policial contra a cidadanía, seguida doutra máis contundente. Pola noite, outro grupo de individuos arremeteu físicamente contra as forzas e corpos do Estado, o que derivou no desaloxo dos numerosos individuos congregados no lugar, e como os cidadáns responderon cunha negativa, os antidisturbios responderon con porrazos e lanzando pelotas de goma.

Algúns membros da policía chegaron ata a explanada do famoso Museo do Prado ou a mítica estación de Atocha, seguindo aos numerosos manifestantes ( ó redor de 6.000 según a Delegación do Goberno e en torno a 10.000 según os organizadores).

O pleno do Congreso o 25 s transcurriu con normalidade na Cámara Baixa, xa que a revolta non impediu o acceso dos diputados ao hemiciclo. A clase política xogou o seu papel con normalidade, asistindo ao pleno, e moitos deputados condenaban os enfrontamentos e defendían na súa opinión, " a boa actuación policial", un exemplo disto, é que María Dolores de Cospedal por exemplo, equiparou o 25-S co 23-F cando tivo lugar o golpe de Estado de Fernando Tejero; remarcando por riba de todo que a moblilización foi un ataque contra a democracia, e se non fora polo bo papel dos corpos policiais, os manifestantes houberan accedido ao interior do Congreso.

As noticias sobre o 25-S estaban presentes en todo tipo de medios e soportes. Na radio, na televisión,na prensa dixital, na prensa escrita...En internet, as noticias sobre o rodeo ao Congreso corrían como a pólvora a través da plataforma social "twitter" e xornais como "La Voz de Galicia", "El País", "ABC", "El Mundo"...no seu marco dixital non cesaban de difundir noticias e notas de prensa sobre o que sucedía a cada instante na capital de España.

A información recibida, a título persoal é de dicir que foi abundante e enriquecedora, xa que a través dos distintos medios ao meu alcance, puiden informarme da situación na que estaban os manifestantes e o conflicto en xeral.

Como detalle a destacar, algo do que careceu a información recibida foi de cifras precisas sobre o número de manifestantes, número de feridos, de persoas detidas pola policía...había moita controversia en canto a dar datos numéricos, xa que cada medio publicou as súas propias aproximacións.

Como lectura de todo o ocurrido, se pode chegar a conclusión de que a sociedade necesita un gran cambio, necesita que exista un certo equilibrio e adecuación entre as medidas tomadas polo goberno sobre os cidadáns e as necesidades da poboación, xa que mentres non exista un certo acordo entre as dúas partes, a situación da sociedade actual seguirá empeorando ata chegar a puntos insospeitados, porque a desesperación e a necesidade de renovación por parte da cidadanía se fará patente e necesitarán con urxencia melloras para poder continuar coa súa vida e mantendo aos seus.

 Outras preguntas que os individuos poderían facerse a partir deste suceso serían, pòr exemplo : ¿Que se debe mellorar? ¿Cal é o cambio que a sociedade necesita? ¿As medidas políticas son correctas? ¿ Cómo evolucionará esta situación de crise económica, política e social?

OTLET E A DOCUMENTACIÓN (prefiguracións da sociedade de redes)

Paul Otlet e Henri La Fontaine fundaron en Bruselas en 1895 o Instituto Nacional de Bibliografía,  debido a que querían construír o Libro Universal do Saber.

Naquel tempo, a iniciativa tomada por estes dous intelectuais foi tomada como algo visionario. Para a ciencia da organización documental, as publicacións científicas perderon a súa importancia sendo clasificadas como "simples elementos dunha enciclopedia documental que abarca o Universo por enteiro"(MATTELART, Armand "Historia de la sociedad de la información").

Anos máis tarde, Otlet adopta o uso da ficha normalizada (12.5 x 7.5 cm). Nese momento histórico, é cando se crea o Instituto da Información, que contaba cun repertorio bibliográfico universal, un catálogo central de bibliotecas, archivos documentais internacionais e un Museo Internacional de métodos documentais.

Outra gran iniciativa naceu durante esta época. Créase en 1910 a Oficina Central da Unión de Asociacións Internacionais, coa finalidade principal de reunir a todas as institucións, congresos, federacións...e garantizar a cooperación dos esforzos para establecer a reunión de todos os sistemas particulares e unidades nun sistema xeral ( Otlet e La Fontaine, 1912).

Á súa vez, Otlet fai seu o termo de "mundialismo" en referencia expresa á red universal de pensamento técnico e social que se quere crear.

En referencia ao xa citado "mundialismo", Otlet contou coa contribución de Gabriel Tarde, o home que lle prestou axuda e colaboración para o seu proxecto de red universal e ambos defendían tamén o feito de que no século XIX se creou " a opinión de dimensión planetaria" e se fai do cerebro "o gen da sociedade moderna".

Nos seus últimos anos de vida, Otlet, en referencia ás redes documentais informativas, a transmisión de información, o mundialismo....anticipa a brillante idea de "rede de redes", referíndose a unha posible creación dunha rede universal que enlace centros productores, distribuidores, de ususarios...ou calquera que sexa a súa tipoloxía.

Toda esta información sobre os inicios da documentación informativa e a súa evolución ao longo dos anos, serve para que a xente de hoxe poida ter unha referencia de como foi creado o mundo da información e os mecanismos de transmisión, é dicir, que non se crearon da nada, senón que todo leva implícito un proceso longo e laborioso, co xurdimento de diferentes institución e as aportacións de diversos intelectuais especializados en materia documental.

O mundo da documentación informativa seguiu avanzando desde a Antiguidade ata os nosos días, coa creación de novas ferramentas e o xurdimento de novas iniciativas, e así continuará ao longo do tempo, xa que a sociedade actual é coñecida como a Sociedade da Información.

http://www.youtube.com/watch?v=_Y9k0T9Zqfg (Vídeo sobre a profetización de internet en 1932 por Paul Otlet)